Uppskot um at lækka egingjaldið hjá fyritíðarpensjónistum fyri heilivág

Uppskot til løgtingslóg um broyting í løgtingslóg um almenna heilsutrygd

Broytingaruppskotið hevur við sær, at rættindi hjá fyritíðarpensjónistum verða, í heilsutrygdarlógini, javnsett við rættindi hjá persónum, sum eru fyltir 67 ár.

Hetta merkir, at tilskotsstigin, sum í dag er galdandi fyri persónar 67 ár og eldri, eisini verður galdandi fyri fyritíðarpensjónistar.

Tað hevur við sær, at egingjaldið hjá fyritíðarpensjónistum lækkar við 742,50 kr. um árið fyri tilskotsheimilaðan heilivág, og verður eftir lógarbroytingina í mesta lagi 1.317,35 kr. um árið.

Uppskot til løgtingslóg um broyting í løgtingslóg um almenna heilsutrygd (javnstilla.pdf Fylgiskjal I - javntekstur.pdf