Nýggja margfeldislógin setur greiðar lógarkarmar fyri føroysku náttúruna

Uppskot til løgtingslóg um fyrisiting av margfeldinum í náttúruni (Náttúrumargfeldislógin)

Tað yvirskipaða endamálið við lógaruppskotinum, sum í stóran mun styðjar seg upp at tí norsku naturmangfoldloven, er at fáa til vega dagførda lóggávu, sum setur greiðar lógarkarmar fyri, hvussu ið sitið verður fyri tí føroysku náttúruni.

Uppskotið er ein týðandi liður í at fremja sáttmálan um lívfrøðiligt margfeldi í føroyskari lóggávu og miðar eftir við burðardyggum brúki og vernd at røkja tað lívfrøðiliga, landslagsliga og jarðfrøðiliga margfeldið umframt tær vistfrøðiligu tilgongdirnar í tí føroysku náttúruni, eisini so at náttúran kann vera støði undir virki, mentan, heilsu og trivnaði hjá Føroya fólki.

Uppskot til løgtingslóg um fyrisiting av margfeldinum í náttúruni (til hoyringar).pdf (1) Hoyringarskriv.docx