![Terji Petersen nýggjur deildarstjóri í Heilsumálaráðnum](https://landsstyri.cdn.fo/savn/2304/972dc416-ae38-45eb-97fd-16cd7af560fe.jpg?width=1024&height=576&rmode=crop&t=279327200&s=qe7hYaCytkP9qF-s4KqcpD3K0qA)
Í dag byrjar Terji Petersen sum nýggjur deildarstjóri á heilsubúskapardeildini í Heilsumálaráðnum. Terji Petersen er 35 ára gamal og útbúgvin cand. polit. frá lærda háskúlanum í Keypmannahavn. Seinastu sjey árini hevur Terji starvast í Fíggjarmálaráðnum, fyrst sum fulltrúi og síðan sum ráðgevi.
Terji Petersen loysir av Jóanis Erik Køtlum, sum herfyri fór til Grønlands at stjórna grønlendska heilsustýrinum.