Á hátíðarløtu fyrrapartin skrivaðu Sirið Stenberg, landsstýriskvinna og Mai Mercado, danskur ráðharri í barna- og almannamálum undir avtalu um yvirtøku av familjurættarliga økinum.
Eftir ætlan verður yvirtøkan framd á ólavsøku í 2018. Uppskot um løgtingslóg um yvirtøkuna verður lagt fyri Løgtingið í hesi tingsetuni.
Familjurættarliga økið fevnir um lóg um foreldramyndugleika og samveru, hjúnabandslógina, arvalógina, ættleiðing, verjumálslógina og fleiri aftrat hesum.
Á fundinum í morgun varð eisini samstarvsavtala undirskrivað, ið skal tryggja samstarvið millum Føroyar og Danmark á økinum frameftir.