Sirið Stenberg og Karen Ellemann raðfesta yvirtøkuna av familjurættarliga økinum

Sirið Stenberg, landsstýriskvinna í heilsu- og innlendismálum, og Karen Ellemann, social- og innanríkisráðharri, hava havt fund í Keypmannahavn um yvirtøkuna av familjurættarliga økinum.

Á fundinum undirskrivaðu Sirið Stenberg og Karen Ellemann eina avtalu um, at málið verður raðfest av báðum pørtum. Miðað verður ímóti, at familjurættarliga økið verður yvirtikið skjótast til ber og í seinasta lagi á ólavsøku 2018.

Somuleiðis umrøddu tær avgerðina um at steðga allari ættleiðing úr Etiopia, sum eisini er ein partur av familjurættarliga økinum.