Føroyskir Sálarfrøðingar og Heilsumálaráðið hava í dag undirskrivað sáttmála, sum gevur borgarum rætt til fíggjarligt ískoyti frá Heilsutrygd, tá ið tey fara til viðgerð hjá privatstarvandi sálarfrøðingum.
Talan er í høvuðsheitum um eina dagføring av verandi sáttmála.
Nýggi sáttmálin fær gildi 1. juli 2011. Í sáttmálaskeiðinum kunnu báðir partar siga sáttmálan upp við í minsta lagi 3 mánaða freist, tó í fyrsta lagi 1. juli 2013.
Kári Leivsson, formaður í Føroyskum Sálarfrøðingum, og John Johannessen, landsstýrismaður í heilsumálum undirskrivaðu nýggja sáttmálan.