![Nýggj kanningarúrslit tøk týsdagin](https://landsstyri.cdn.fo/savn/13981/science-test-tubes.jpg?width=1024&height=576&rmode=crop&s=imLw5wd79IY46Pok8L8sMZcEZi8)
Næstu ferð, nýggj kanningarúrslit verða kunngjørd, verður í morgin, týsdagin tann 19. mai. Hetta kemst av, at ongar kanningar vórðu gjørdar í gjár, sunnudagin.
Sostatt er støðan í Føroyum óbroytt.
187 fólk hava fingið staðfest smittuna, og øll eru staðfest frísk aftur. 8.863 kanningar eru framdar.
Eingin hevur fingið staðfest smittuna í teimum seinastu 2.593 kanningunum. Seinastu ferð, ein nýggjur tilburður varð staðfestur, var tann 22. apríl, tá tveir føroyingar fingu staðfest smittuna. Fleiri hagtøl kunnu lesast her.
Eingin er innlagdur á Sjúkrahúsverki Føroya í samband við coronasmittuna.
Heilsumálaráðið 18. mai kl. 09.27