Nýggja apotekið er liður í ætlanini hjá Apoteksverkinum at røkka øllum borgarum í landinum enn betri. Vága apotek er sætta apotekið í Føroyum, umframt Norðoya apotek, Tjaldurs apotek, Apotekið í Steinatúni, Suðuroyar apotek og Eysturoyar apotek.
Vága apotek er staðsett á Heiðavegi í Miðvági. Á upplatingardegnum, mikudagin 2. apríl frá kl. 11-13, verður almenn móttøka, har øll eru hjartaliga vælkomin.
Til móttøkuna verður okkurt lítið til góman, umboð fyri landsmyndugleikar og Apoteksverkið siga nøkur orð, og høvi verður at síggja hølini og umstøðurnar annars. Síðani letur Vága apotek upp fyri avgreiðslu kl. 13.