![Landsstýrismaðurin vitjar Klaksvíkar sjúkrahús og Heilsutrygd](https://landsstyri.cdn.fo/savn/13324/klhj-ks-ht.jpeg?width=1024&height=576&rmode=crop&s=sWG_pvZwPSp08p3UKKbeD0rFSk8)
Kaj Leo Holm Johannesen, landsstýrismaður í heilsumálum, hevur í dag vitjað Klaksvíkar sjúkrahús og Heilsutrygd, sum eru stovnar undir hansara øki. Øll sjúkrahúsleiðslan í Sjúkrahúsverki Føroya var við, har tey saman fingu innlit í virksemið á Klaksvíkar sjúkrahúsi.
Kunnað varð um allar deildirnar á sjúkrahúsinum, har landsstýrismaðurin fekk høvi til at síggja tær góðu umstøðurnar á sjúkrahúsinum, og har hann kundi heilsa upp á starvsfólkini. Kaj Leo gav sær góðar stundir at lurta eftir, hvat starvsfólkini høvdu at siga um teirra ynski og mál.
Síðani varð farið at vitja á Heilsutrygd, har landsstýrismaðurin var vístur runt á stovninum, og har hann heilsaði upp á starvsfólkini. Landsstýrismaðurin fekk frágreiðing um virksemið hjá stovninum Heilsutrygd.
Heilsumálaráðið