08.01.2020 · Heilsumálaráðið
Landsstýrismaðurin hevur sett varastjóra við læknafakligari bakgrund fyri Sjúkrahúsverk Føroya
![Landsstýrismaðurin hevur sett varastjóra við læknafakligari bakgrund fyri Sjúkrahúsverk Føroya](https://landsstyri.cdn.fo/savn/13422/tummas-í-garði.jpg?width=1024&height=576&rxy=0.46017699115044247,0.46666666666666667&rmode=crop&t=604773&s=ILVY9G39u2-FwZnQwEYU6PVVBDs)
Landsstýrismaðurin í heilsumálum, Kaj Leo Holm Johannesen, hevur gjørt av at seta Tummas í Garði sum varastjóra við læknafakligari bakgrund fyri Sjúkrahúsverk Føroya.
Tummas í Garði er 61 ára gamal, var útbúgvin lækni frá Københavns Universiteti í 1990 og gjørdist serlækni í anæstesi í 2002. Tummas í Garði hevur drúgvar royndir sum yvirlækni í anæstesi umframt leiðsluroyndir frá starvinum sum læknastjóri á Landssjúkrahúsinum árini 2005-2013. Seinastu 6 árini hevur Tummas starvast sum yvirlækni á Landssjúkrahúsinum.
Tummas í Garði tekur við starvinum tann 1. februar 2020.
Heilsumálaráðið
8. januar 2020