![Kunngerð um fyribyrging og týning av rottu til hoyringar](https://landsstyri.cdn.fo/savn/9648/snipimage-2.jpg?width=1024&height=576&rmode=crop&s=1r6lreVe_CMKlS4ic44ibBHBASU)
Heilsu- og innlendismálaráðið hevur sent til hoyringar uppskot til kunngerð um at fyribyrgja og at týna rottu. Freist at gera viðmerkingar er 23. juni 2017.
Endamálini við nýggju kunngerðini eru fleiri:
- skipa betur fyribyrging og yvirvøku av rottufríu oyggjunum,
- nágreina praktisku og umsitingarligu uppgávurnar hjá kommunustýrinum í sambandi við rottutýning,
- lýsa ábyrgd hins einstaka í sambandi við fyribyrging og týning av rottu,
- tryggja betur innlit í rottustøðuna við fráboðanarskyldu til kommununa og skrásetingarskyldu hjá kommununi av móttiknum rottufráboðanum,
- landsmyndugleikin fær heimild at tilrættisleggja eina samskipaða rottutýning tvørtur um kommunu- og býarmørk í bygdum sum óbygdum øki,
- landsmyndugleikin innflytir og umsitur rottueitur og ger av, hvør strategi nýtast skal í rottutýningini.
Uppskotið til kunngerðin kann lesast her
Fylgiskriv til kunngerðina kann lesast her