Heilsu- og innlendismálaráðið hevur sent uppskot um at broyta § 2, stk. 1, nr. 4 í kunngerð um áseting av søluprísi á heilivág til ummælis.
Uppskotið sæst her
Broytingin hevur við sær eina príshækking á heilivági (farmaseutiskir sertilbúningar). Príshækkingin hevur ávirkan á allar kundabólkar hjá Apoteksverkinum.
Galdandi áseting:
§ 2. 1) 2) 3) 4) Frumsøluprísurin fæst við at leggja afturat fakturaprísinum (FTP) fyri hvørja pakking:
1) FTP<29,99: 40% av FTP + 3,00 kr.
2) 30,00<FTP<119,99: 30% av FTP + 6,00 kr.
3) 120,00<FTP: 15% av FTP + 30,00 kr.
4) Til samløguna av 1, 2 ella 3 verða løgd 13%.
Broytingin hevur við sær at vinningsprosentið í § 2, nummar 4, hækkar frá 13 % til 15 %. Frumsøluprísurin er: Fakturaprísur + pakkningsgjald á 3, 6 ella 30 kr. + vinningsprosentið.
Trý dømi um avleiðingar av broytingini er niðanfyri. Dømini vísa hvørja príshækkingina fyri kundan við fakturaprísi á 25, 75 og 1.500 krónur.
Fakturaprísur | 25 | 75 | 1.500 |
Pakkningsgjald | 3 | 6 | 30 |
Samløga | 28 | 81 | 1.530 |
1. Vinnings-% 13 % | 3,6 | 10,5 | 198,9 |
2. Vinnings-% 15 % | 4,2 | 12,2 | 229,5 |
1. Frumprísur | 31,6 | 91,5 | 1.728,9 |
2. Frumprísur | 32,2 | 93,2 | 1.759,5 |
Prísmunur | 0,6 | 1,6 | 30,6 |
Freistin at gera viðmerkingar sett til fríggjadagin 29. apríl 2016 kl. 12.00.
Tey, ið hava viðmerkingar til uppskotið eru vælkomin at senda tær til teldupostadressuna himr@himr.fo