![Fimti dagur uttan nýggja smittu](https://landsstyri.cdn.fo/savn/13981/science-test-tubes.jpg?width=1024&height=576&rmode=crop&s=imLw5wd79IY46Pok8L8sMZcEZi8)
Eingin smitta varð staðfest í gjár. Tað vísa nýggjastu tølini hjá Landslæknanum. Úrslitið byggir á í alt 89.790 kanningar.
Hetta er fimti dagur upp í slag uttan nýggja smittu. 1.011 kanningar vórðu gjørdar kring landið í gjár.
411 persónar hava fingið staðfest smittuna í Føroyum. Í alt eru nú 357 persónar staðfestir frískir aftur, og sostatt eru 54 persónar smittaðir í løtuni.
Tveir persónar eru í løtuni innlagdir á Sjúkrahúsverki Føroya í samband við coronasmittuna. Eingin liggur á intensivari deild.
Heilsumálaráðið tann 26. august 2020 kl. 12:51