![Eingin nýggjur smittutilburður](https://landsstyri.cdn.fo/savn/13977/labratorium-testarar-corona.jpeg?width=1024&height=576&rmode=crop&s=Pu69W4kiPm9dLFpZDfT_I3HSyz0)
Eingin smitta varð staðfest í gjár. Tað vísa nýggjastu tølini hjá Landslæknanum. Úrslitið byggir á í alt 90.706 kanningar.
Hetta er sætti dagur á rað, at eingin smitta er staðfest innanlands. 916 kanningar vórðu gjørdar kring landið í gjár.
411 persónar hava fingið staðfest smittuna í Føroyum. Í alt eru nú 358 persónar staðfestir frískir aftur, og sostatt eru 53 persónar smittaðir í løtuni.
Tveir persónar eru í løtuni innlagdir á Sjúkrahúsverki Føroya í samband við coronasmittuna. Eingin liggur á intensivari deild.
Heilsumálaráðið tann 27. august 2020 kl. 11:42