![Eingin føroyingur staðfestur smittaður við COVID-19](https://landsstyri.cdn.fo/savn/13872/corona-1.jpg?width=1024&height=576&rmode=crop&s=BUt3HPE_uZEaEUUC7D5NXQ99Zvo)
Í løtuni er eingin føroyingur staðfestur smittaður við coronusmittuni. Teir í alt 187 føroyingarnir, ið hava fingið staðfest coronasmittuna, eru allir staðfestir frískir. Hetta byggir á í alt 8.554 kanningar.
Tað upplýsir Landslæknin, nú seinastu kanningarúrslitini eru tøk.
Eingin hevur fingið staðfest smittu í teimum seinastu 2.284 kanningunum.
Eingin persónur er í løtuni innlagdur á Sjúkrahúsverki Føroya í sambandi við coronasmittuna.
Heilsumálaráðið tann 12. maj 2020 kl 10.40