![Ein koronatilburður staðfestur í gjár](https://landsstyri.cdn.fo/savn/13873/corona-2.jpg?width=1024&height=576&rmode=crop&s=b0LvmYudXR5FFxxDzELHLoDamL8)
Ein nýggjur smittutilburður varð staðfestur í gjár. Tað vísa nýggjastu tølini hjá Landslæknanum.
Tann smittaði er avbyrgdur, og Landslæknin er í gongd við smittusporingina.
Í gjár vórðu 335 kanningar gjørdar, og allar kanningarnar eru liðugt greinaðar. Í alt eru 134.070 kanningar gjørdar.
Tilsamans hava nú 475 persónar fingið staðfest smittuna í Føroyum. Í alt eru 441 persónar staðfestir frískir aftur, og sostatt eru 34 persónar smittaðir í løtuni.
Ein persónur er innlagdur á Sjúkrahúsverki Føroya í sambandi við coronasmittuna.
Heilsumálaráðið tann 5. oktober 2020 kl. 11:51