![Corona: 14 fólk eru avbyrgd](https://landsstyri.cdn.fo/savn/13710/corona-virus.jpg?width=1024&height=576&rmode=crop&s=wX4hs6nImyzvzZMxyS3YYQ_sAYk)
Eftir at fyrsti føroyingurin hevur fingið staðfest corona-virusið, eru í alt 14 fólk avbyrgd.
Tað hevur Lars Fodgaard Møller, landslækni, gjørt av, eftir at hann hevur kannað teir persónar, sum smittaði føroyingurin hevur verið í samband við.
Tað er framvegis bara ein persónur í Føroyum , sum hevur fingið staðfest corona-virusið. Hini trý í húsarhaldinum hjá viðkomandi eru øll kannað, og øll úrslitini vóru negativ.
Smittaði føroyingurin og húski hansara verða øll avbyrgd við hús komandi 14 dagarnar.
Heilsumálaráðið