![187 føroyingar fingið staðfest smittuna](https://landsstyri.cdn.fo/savn/13873/corona-2.jpg?width=1024&height=576&rmode=crop&s=b0LvmYudXR5FFxxDzELHLoDamL8)
Tað eru nú í alt 187 føroyingar, ið hava fingið staðfest corona-smittuna. Hetta byggir á í alt 6375 kanningarúrslit.
Sostatt eru tveir tilburðir staðfestir seinasta samdøgrið.
Tað upplýsir Landslæknaembætið í morgun, nú seinastu kanningarúrslitini eru tøk.
Í løtuni eru 178 føroyingar staðfestir frískir, eftir at hava fingið staðfest coronasmittuna. Eingin persónur er í løtuni innlagdur á Sjúkrahúsverki Føroya í sambandi við coronasmittuna.
Heilsumálaráðið tann 23. apríl 2020 klokkan 07.10